Гэта апошні пераднавагодні шанец выбраць густоўныя і дыхтоўныя падарункі, пацешыцца цёплай каляднай атмасферай і жывой музыкай!

Цягам васьмі дзён выбітныя дызайнеры Мінска і ўсёй краіны будць прадстаўляць свае працы: упрыгожванні і біжутэрыю, нататнікі і альбомы, торбы і торбачкі, аксэсуары і гаджэты, цацкі і пецкі. Акрамя гэтага “Калядны кірмаш” будзе багаты на творы мастакоў - стэнды з графікай, жывапісам і аўтарскімі фотаздымкамі.

Кожны знойдзе падарунак на нашым “Кірмашы”: зручныя заплечнікі – для падарожнікаў, нататнікі – для цікавых успамінаў, для аматараў фатаграфіі – альбомы мэтраў фатаграфіі, для шанавальнікаў кухонных цырымоній – стылёвая кераміка, для красунь і красуноў – адметная біжутэрыя і ўпрыгожванні, для ашчаднікаў свайго часу – стылёвыя наручныя гадзіннікі, для дзетак – цацкі, з якімі не захочацца расставацца.

Для кожнага падарунка мы зробім святочную эка-запакоўку бясплатна!

Запрашаем на “Калядны кірмаш”!