Рэй КуніЁН. ЯНА. АКНО. НЯБОЖЧЫК.Камедыя

Пераклад Святланы ДашкевічПастаноўка Юрыя ПахомаваСцэнаграфія і касцюмы Святланы МакаранкіМузычнае афармленне Аляксандра Крыштафовіча

Камедыя палажэнняў. Смех у зале не змаўкае. Але галоўнае, дзеля чаго закручваецца неверагодная інтрыга, фармулюецца проста: маленькая хлусня нараджае вялікія праблемы. Тут усё побач: і кар'ера, якой ахвяруе памочнік прэм'ер-міністра Рычард Уіллі (Валянцін Салаўёў), тайна сустракаючыся з сакратаркай Апазіцыі Джэйн Уорзінгтон (Наталля Аладка); і ўзаемная здрада мужоў і жонак: аказваецца, жонка Рычарда Памела (Святлана Жукоўская) таксама не без граху, і магчыма, не варта было так маскіравацца. І праблемы верных мужоў накшталт Роні (Пятро Ламан), якімі ён гатовы падзяліцца з першым сустрэчным, толькі б усё наладзілася. І сумленныя служачыя Джордж Пігдэн (Георгій Лойка) і Дэтэктыў (засл. Арт. Беларусі Вячаслаў Грушоў), якіх лёгка ўцягваюць у агульную інтрыгу. І афіцыянт гатэля Кромвель (Віктар Дашкевіч), заўсёды гатовы прыйсці на дапамогу за адпаведнае ўзнагароджанне; і манумент самому сабе Упраўляючы (Валянцін Цвяткоў). А круціцца ўсё вакол трупа, які невядома як апынуўся ў нумары гатэля, дзе прызначана тайная сустрэча Рычарда Уіллі і Джэйн Уорзінгтон…