Спектакль “Вось я і прыйшла!” — гэта свет парадоксу, гратэску і гульні падсвядомасці галоўнага героя.

Запрашаем вас у дзіўны, поўны абсурду свет пісьменніка, які адразу атрымаў замову на напісанне твора. У дапамогу герою прыходзяць Старая і яшчэ некалькі персанажаў спектакля, якія рознымі спосабамі заклікаюць яго пісаць: угаворваюць, супакойваюць, б'юць, пужаюць, абдымаюць і знікаюць. Хто яны на самай справе?..

Рэжысёр Аляксандр Бародка адзначае, што спектакль — гэта ўвасабленне розных відаў мастацтва. Гледачы знойдуць тут творы Казіміра Малевіча, рыфмаваныя творы Хармса, бо стыль аўтара вельмі меладычны. Музыка будзе эклектычнай: кабарэ, госпел-джаз і народныя песні.

У аснове спектакля — аповесць Данііла Хармса “Старая” і ўрыўкі з зборніка “Выпадкі”, вершаваныя творы і дзённікі пісьменніка.

Ролі выконваюць:
Хармс – Алесь Ніканенка, Сцяпан Краўчук
Сакердон – Максім Карасцялёў , Сяргей Шымко
Старая 1 – заслужаная артыстка РБ Людміла Сідаркевіч
Старая 2 – Надзея Цвяткова
Старая 3 – Наталля Халадовіч, Юлія Гружэўская
Старая 4 – Вераніка Буслаева
Дамачка з булачнай – Юлія Лазоўская, Дар’я Лазарчык

Продолжительность: 1 час 20 минут без антракта

Возрастное ограничение: 16+