"Таямніца чароўнага календара" - гэта гісторыя, у якой ёсць месца прыгодам і, самае галоўнае, цудам. Менавіта ў такое падарожжа РТБД прапануе адправіцца самым маленькім тэатралам і іх бацькам.

Героі спектакля - мілыя, кранальныя лялькі, якія, на вялікі жаль і няшчасце, засталіся кінутымі ў адзіноце. Калі дзеці вырастаюць, цацкі становяцца нікому не патрэбныя. Але ж гэтыя лялькі па-ранейшаму любяць сваіх гаспадароў. Цяпер яны вымушаны жыць у жудасным месцы, дзе на кожным кроку іх чакае небяспека - на іх аб'яўлена паляванне.

Таямніца, якую захоўвае Чароўны Каляндар, дае шанец на выратаванне. Але ці ўсе гатовыя да Цуду? А што калі аб'яднаць намаганні і разам гэты Цуд стварыць?

У спектаклі незвычайная колькасць музыкі, харэаграфіі і жывога вакалу. Стваральнікі спектакля гавораць пра вельмі важныя і патрэбныя рэчы на простай і зразумелай кожнаму дзіцяці мове.

Ролі выконваюць:
Парсючок Кнок - Сяргей Шымко, Арсеній Луцкі
Мальвіна - Вераніка Буслаева, Даръя Лазарчык
Кот Васіль - Сцяпан Краўчук
Сабака Ануфрый - Алесь Ніканенка
Хлам - Максім Паніматчанка, Уладзіслаў Віленчыц

Продолжительность: 1 час 25 минут без антракта

Возрастное ограничение: 6+