Масленіца, цi «Масляна нядзеля», – адно з рухомых свят народнага календара.

Традыцыйныя масленічныя стравы – бліны і аладкі, сыр і масла. Маслу і сыру (на ўсходзе Беларусі асабліва блінам) надаваўся магічны сэнс. Бліны, паводле павер’я , як і ўсе круглыя прадметы, дапамагалі сонцу хутчэй рухацца, паскаралі надыход вясны. А сыр і масла (сытая ежа) спрыялі таму, каб увесь год быў сытны (багаты).
У гэтым годзе музей гасцінна сустрэне наведвальнікаў сваёй цікавай праграмай. Маладых, якія ў 2014 годзе заключылі шлюб, чакае эпізод “Ушанаванне маладых”. Упершыню кожны наведвальнік будзе мець магчымасць даведацца і “наведаць” усе сем дзён масленічнага тыдня: “Сустрэча”, “Зайгрыш”, “Разгул або Лакамка”, “Конскае свята”, “Цешчын вечар”, “Залоўкіны пасядзелкі”, “Даравальная нядзеля”.

Падчас правядзення мерапрыемства “Масленіца” кожнага чакаюць:

Упершыню:
Пазнавальная і гульнёва-забаўляльная вандроўка “Масленічны тыдзень”.
Конкурс малюнка “Намалюем Масленку”.

Традыцыйна:
Канцэртная праграма ад фальклорных калектываў.
Лялечны тэатр “Батлейка”.
Масленічныя гульні і забавы.
Конкурс для дзяцей і дарослых на снежную скульптуру (пры наяўнасцi снега).
Навучальны майстар-клас па вырабу масленічнай лялькі-абярэга.
Конкурс “Масленічная лялька-2015”.
Катанне на конях і гужавым транспарце.

Кульмінацыяй масленічных гулянняў стане спальванне пудзіла зімы “Марэны”.

Падчас мерапрыемства за дадатковую плату раім набыць сувеніры ад народных майстроў, дзейсніць вандроўку над музеем на верталёце.
“Беларуская карчма” прапануе бліны на любы густ і стравы, прыгатаваныя на адкрытым вогнішчы.