Музейны комплекс “Дудуткі” запрашае правесці выходныя лета на Фэсце “Млын”. Нашых наведвальнікаў будуць радаваць гурты "Без Білета" і "Bulba Fusion".

У межах фэста пройдзе святкаванне трох Спасаў (яблычнага, арэхавага ды мядовага). Наведвальнікі змогуць паласавацца яблычным пірагом, халодным квасам, мёдам і садавінай. Кожны жадаючы зможа паспрабаваць свае сілы ў ганчарным ці кавальскім рамястве пад чулым кіраўніцтвам майстроў музея.

Сувеніры, зробленыя сваімі рукамі, наведвальнікі змогуць пакінуць сабе.

Для тых, хто не зможа рэалізаваць сябе ў новай рамеснай прафесіі, тэатр “Гістрыён” зрабіць уяўную экскурсію па танцавальных традыцыях еўрапейскіх краін: наведвальнікі змогуць далучыцца да майстар-класа па танцах народаў свету.

Адмыслова для аматараў жывёл адбудзецца маляўнічае выступленне коннай школы. Госці атрымаюць незабыўныя ўражанні ад цудоўных касцюмаў і ўменняў вершнікаў і іх коняў.

Завершыць фестывальны дзень канцэрт пазітыўных беларускіх гуртоў Bulba Fusion і Без Білета.